Архикафедральный костел Пресвятой Девы Марии
Пабудаваны ў другой пал. 17 - пач. 18 ст. пры езуіцкім кляштары па фундацыі смаленскага біскупа Гераніма Сангушкі. Пасьля скасаваньня езуіцкага ордэна ў 1773 г. стаў парафіяльным, а ў 1798 г. паводле булы Паўла І - катэдральным. Пасьля 1820 г. быў перайменаваны ў Марыінскі сабор. У 1934 г. дзейнасьць касьцёла спынена і ён быў перабудаваны на спартовую залю ДСТ "Спартак" (зьнішчаны вежы і перабудаваны фасад). Пасьля рэстаўрацыі ў 1980-я гг. адноўлены ў выглядзе 3-нефавай 2-вежавай 6-слуповай базілікі з паўкруглай апсідай, завершанай фігурным франтонам. У 1990 г. перададзены каталікам.